الخبيرة المغربية ( زهراء المغربية )

الان لدى صالون ليلي فالي للسيدات 

الخبيرة المغربية ( زهراء المغربية )

خبيرة الحمام المغربي وخلطات الجسم المغربية 

  

وخلطات العناية بالشعر المغربية 

وخلطات العناية بالبشرة 

راح ابدي معاكم بالاسعار :

جلسة العناية بالشعر ( خلطة مغربية ) = 5 دنانير

كورس العناية بالشعر ( كورس مغربي ) 5 مرات = 20 دينار

تنظيف بشرة بالطين المغربي والعكر الفاسي الاصلي الجلسة = 10 دنانير 

حمام مغربي بالخلطة المغربية للتنعيم والتبيض = 10 دنانير

حمام مغربي بدون خلطة فقط سنفرة = 8 دنانير

حمام ملكي مغربي = 15 دينار

حمام بخور = 15 

حمام ملكي مع مساج = 20 دينار

العروض :


العرض الفضي = 10 د.ك ويتضمن 6 اعمال وهي


شيرة - حف وجه - برافين - بديكير منكير - حمام زيت - سشوار


العرض الذهبي = 15 د.ك ويتضمن 6 اعمال وهي


شيرة جسم كامل - حف وجه -- برافين - بديكير منكير - حمام زيت - سشوار


العرض البلاتيني = 20 د.ك ويتضمن 7 اعمال وهي


شيره جسم كامل - حمام مغربي - حف وجه - برافين - بديكير منكير - حمام زيت - سشوار



جلستين اروما للشعر استرخاء وعلاج = 20


جلسات العنايه بالشعر :


كورس الحنة مع خلطات 5 مرات  = 20

العنوان السالمية الدائري الخامس مقابل منطقة الرميثية بعد شارع عمان و مطعم بابا جونز بناية عيادة الاسنان نيو ابها

ت : 97773763


تجارب البنات :

http://www.q8yat.com/t772567.html







ملاحظة : نحن صالون ليلي فالي السالمية الدائري الخامس ولايوجد لدينا فروع اخرى

وقفة مع الطفولة

اليوم كنت اتفرر بالستلايت حطيت كذا محطه و ولد اختي يحن يبي mbc 3 حطيت على القناة وقعدة اشوف مسلسلات الكرتون 2011

انصدمت بصراحة شنو فرق عن ايامنا الحلوة كل مسلسلاتهم سخيفه مافيها لا مبادئ ولا قيم كلها عنف طق والحريم راسمينهم بشكل مغري شنو هذا بصراحه صدور ومايوه تحته ليقن ومكياج احنا ايامنا مافيه جذيه

قعدت اتذكر مسلسلاتنا وقلت لازم اذكركم معاي

مسلسل سالي

مسكينه شغلوها خدامه وكرفت كراف مو طبيعي وصبرت ونالت من خدامه لي اميرة الألماس

شوفوا الحظ ورث ابوها ورفيج ابوها بعد لوووووووووووول لا وتبرعت حق المعهد بعد لو انا مايشوفون مني فلس حمر

ههههههههههههههه

مسلسل ليدي

مسلسل صاحب الظل الطويل اموووووووووووووووووووت فيه الفقيره اليتيمه يحبها هذا
بصراحه حده مسلسل رومانسي و بناتي

كبامارو ههههههههههههههههه انا احب الشومن طبعا مسلسل نينجا

مسلسل بوليانا

وااااااااااااي كنت ابجي على قصة الولد اللي يحب الاميره وعنده عصفور قالتله الاميره ماراح اتزوجك لين تيبلي ورده حمرا وراح الولد يدور مسكين مالقى وقعد ضايق خلقه جان يضحي بنفسه الطير ويقز قلبة بشوكة غصن الوردة البضا ويسيح دمه على الورده وصارت حمرا علشان تتزوجه الاميره ومات الطير وخذا الولد الورده وراح يركض حق الاميره جان يشوفها ترقص مع واحد وقالها انا يبتلج الورده الحمرا جان تقوله مابيها هذا يابلي عقد لولو وقعد يبجي على الطير ماله المسكين

كنت ابجي على هالقصه

كاليميرو كاليميرو احبه هالكتكوت الاسود يا حلوة لووووووووووووول

لحن الحياة واااااااايد حلووووو

رانزي المدهشه وحبها حق شان ماكابي

كانت طفووووووووووووووووووووله روعه بمعنى الكلمه

صالون ليلي فالي lily valley beauty salon

صالون ليلي فالي

lily valley beauty salon

برنامج الحنه :

يتكون برنامج الحنه من سنفره للجذور وخلطة زيوت للجذور يليها الحنه على كامل الشعر وبعد الحنه خلطة اعشاب طبيعية

سعر الجلسة ٥ دنانير

الكورس ٥ جلسات ب ٢٠ دينار

الحمام المغربي :

عروض الحمامات كثيره كما هو موضح في الموضوع الأول ، سابقا كنا نستخدم خيمة البخار اما الان الحمام المغربي مجهز كاملا بمكينة البخار كما هو موضح في الصورة

للمزيد

 http://www.q8yat.com/t772567.html

http://www.q8yat.com/t823560.html

http://www.q8yat.com/t810286.html

وشكرااااااااااااا

منتجع ذ ليلا كمبنسكي جوا الهند the leela kempinski goa

السلام عليكم

انا كتبت عن الهند بموضوع لمحات وصور عن الهند و وعدتكم انزل موضوع عن منتجعاتها

الموضوع باين من عنوانه منتجع ليلا كمبنسكي جنوب جوا الهند اخليكم مع الصور

المدخل من بره

الرسبشن و اللوبي

الحدائق الخارجية و حمام السباحه

بعدين الشاطئ الخاص بالفندق وكبير وااااااااااااااااااااااااااايد وراح تلاحظون ان الناس شويه قليل جدا يعني شبه فاضي

يعني منتهى الخصوصية والريلاكس

الشاطئ هذا كله حق الفندق

مطعم على البحر سي فود

هذول مسلمين وكانوا عايشين بدول عربيه ما اذكر بالضبط وين

فكانوا يغنولي حبيبي يا نور العين يا ساكن خيالي لوووووووووووووووووووول بإقاعات هنديه عجبيبه

وانشدولي اناشيد اسلاميه ونسوني بصراحه  يعطيهم العافيه

الغروب على المحيط

الضفدع هذا ضحكني لوووووووووووووووول قليل الادب

نظام المنتجع مثل البلوكات والمنتجع كبير حيل وبين البلوكات بحيرات و ضباب بس ارضي كان وايد حلوووو

ليش ليلي فالي بالذات ...

ليــــــلي فـــــــــــالي

هي زهرة حدائق وتتميز بلونها الأبيض الصافي ورائحتها الفواحة. كل زهرة من أزهارها تشبه الجرس الصغير، وهي نبتة معمرة تنمو في نهاية الربيع في الطبيعة، وتنمو في جميع الفصول عندما تزرع في البيون المحمية. وتصنع من زهورها الكولونيا أو ماء الزينة الفرنسي.

النوع النادر منها هو الوردي

واكيد راقية هالزهرة

الزهرة هذي انا اشوفها غير عن كل الزهور سبحان الله شكلها مختلف عن الزهور فعلا كأنها جرس
شكل الغصن المايل فيه اجراس وايد فعلا عجيب واااااااااايد حلو اول ماشفتها عشقتها

سبحان من خلق

لمحات وصور من جوا الهند goa india

السلام عليكم

بقولكم بالبداية عن منطقة جوا اللي بالهند اهي منطقة سكانها مسيح الاغلبية مسيح قليل الهندوس و المسلمين وكانت تحت الاستعمار البرتغالي ومنطقة ساحلية

اهي تنقسم قسمين شمال وجنوب

الشمال : زحمة موت مركز المدينه والبقر والكلاب كل مكان مقططين يعني عادي بقره نايمه وسط الشارع جدا عادي والتكسي مايطقلها هرن ولا شي ياخذ يمين ويعديها

واغلبية فنادقها من 4 ستار ونازل ماعدا فندقين بس اللي اهم

Vivanta by Taj Fort Aguada و Taj Exotica

وطبعا اسعارهم بالكويت 80 او 90 الليله واذا حجز دايركت من عندهم 160 دينار الليله هذا فورت اقوادا

اثنينهم نفس الشركة بس الاول ارقى من الثاني

راح احطلهم صور بموضوع ثاني

اما الجنوب : الجنوب ارقى واهدى مافيه زحما إلى حدا ما افضل بوايد من الشمال يعني اللي فباله يروح لايفكر بالشمال ابدا واغلبية منتجعاتها 5 نجوم وشي راقي بصراحه وحلو

طبعا المنطقة ككل مافيها رحلات ونشاطات بس تاكلون اكل هندي  في قمة اللذه وبالمنتجعات تتمشون وتتمتعون بنشاط المنتج نفسه سبا وغيره يعني ريلاكس للاخر

اذا بخاطركم تتمشون تمشوا في الجنوب

ادري الحريم يحبون السوق الهندي بس جوا سوقها عادي اما نقش الحنه عجيب عجيب عجيب

والأمان بصراحة مادري يمكن علشان مافيه سياحه عربيه هناك ماحسيت بأمان وايد مع ان الاجانب والاسرائيلين مكودين هناك يعني في سياحة

افضل طيران القطرية يوديكم دايركت من مطار الدوحة إلى مطار جوا يعني ماراح توقفون في مومباي او غيرها حق لوعة الجبد

وسعر التذكرة 120

طبعا انا كنت اظن ان الهنود يبالغون في المطر بأفلامهم الهنديه بس انصدمت ان الواقع اكثر من الافلام ماشالله تبارك الرحمن مطر مو طبيعي والله والمانجا لذيذه  طبعا مع جوز الهند

طبعا الهند يبيلها فيزااا لووووووووووووووووووووووول جنه صج مع ويوهم

اخليكم مع صور شوارعها والمارينا والبحر

هذا بحرها العام  وووووووووووع بكل صراحه

هذا منظر خارجي من فندق تاج فورت اقوادا يمه بالضبط الشاطئ العام

المرينا مالتهم يسمونها مرينا العشاق لها قصه مو ذاكرتها بالضبط اثنين يحبون بعض واهلهم مو راضين يزوجونهم جان ينتحرون

لوووووووووووووول موتت كلب وطبعا الهنود سوولهم تماثيل ويحولهم ورد وحركات

وعندهم طير شنو مزعج يخرب بيته شي مو صج ومشهوووووووووووووور اسمه كينق فيشر وعندهم تاجر كبير يسمونه كينق فيشر

عنده خطوط طيران بأسم الطير وماي وبيره وخرابيط وايد

مريت صوب الفيلا مالته بصراحه شكل الفيلا من بره شي لالالالالالا يوصف البوابه والمبنى خيااااااااااال بمعنى الكلمة مو نفس الفلل اللي متعودين عليها

هذا الطير ودي اقتله صوته يلوع الجبد لي غرد نفس الغراب ويوقف عند دريشة الغرفه بغيت اشتري لزقات الفيران واحطهم عند الدريشه اخليه يلزق بس خفت من الله

طبعا الصوووور حدها عاديه ومافي شي يشد مثل ماقلتلكم مافيها رحلات ولا شي وناستها بالريلاكس بالمنتجعات

راح انزل صور المنتجعات بموضوع ثاني تابعوني